Seyyidüş-şəhadanın (İmam Hüseyn (ə)) qanı idi ki, İslamı dirçəltdi, Məhərrəm və Səfərdir ki, İslamı yaşatdı. İmam Xomeyni (rəh.)
Allahın adı ilə.
قال على بن الحسین علیه السلام: تزهر أرض کربلا یوم القیامة کالکوکب الدرى وتنادى انا ارض الله المقدسة الطیبة المبارکة التى تضمنت سید الشهداء و سید شباب اهل الجنة. (کامل الزیارات)
İmam Zeynulabidin (ə): Kərbəla torpağı Qiyamət günü ulduz kimi parlayar və səslənər: "Mən, Allahın müqəddəs, pak və bərəkətli torpağıyam ki, Seyyidüş-şühəda və Cənnət cavanlarının ağasını bağrıma almışam". (Kamiluz-ziyarat)
«Əl-Məhdi (əc)» İslam Maarif Mərkəzinin dəyərli müəllimləri, hər birinizi səmimi qəlbdən salamlayır və keçən təhsil ili çəkdiniyiniz bütün zəhmətlər və əvəzsiz xidmətlərə görə tək-təkinizə təşəkkür edirik.
Müasir dünya, müasir düşüncə, müasir tələblər bizi maarifləndirmə sahəsində yeni istiqamətlərdə hərəkət etməyə məcbur edir. Mərkəz, öz pontensialı, tədris və tərbiyə sahəsində imkanlarını nəzərə alaraq insanların dini maariflənməsi üzrə müxtəlif elmi-mədəni layihələrin icrasına çalışır. Diqqətinizə çatdırırıq ki, xadimləriniz 2020-ci il Məhərrəm və Səfər ayları üçün İmam Hüseyn (ə) qiyamının təhlili və təfərrüatı barədə ixtisaslaşmış virtual Aşuraşünaslıq kursunun icrasını planlarşdırırlar. Aşuraşünaslıq kursu ilk dəfə mərkəzdə icra olunacaq. Bu kursu icra etmək üçün mərkəz, müəllimlərin tədris üçün hazırlaşmasına mümkün qədər şərait yaratmağa çalışacaqdır. Beynəlxalq Əl-Mustafa Universiteti və ya digər təhsil mərkəzlərinin hər biri ilə razılıq əldə olarsa müəllimlər üçün bir həftəlik Aşuraşünaslıq mövzusunda imkan daxilində əyani, olmazsa virtual kurs keçiriləcəkdir.
Plana əsasən mərkəz tərəfindən mövzular təyin edilir. Müəllimlər, mövzular və verilən zamanı nəzərə alır, seçim edir və Məhərrəm ayına qədər tədris üçün hazırlaşırlar.
Avqust ayının 1-dən 15-nə qədər kursda tələbə qismində iştirak etmək istəyənlər təhsil bölməsinə müraciət etməlidirlər. (00989902370737)
Qeyd:
- Əziz ustadımız Seyid Bəsirət Seyidovun təklifilə ərsəyə gələn layihənin icraçı rəhbəri, Seyid Bəsirət özü təyin olunur.
- Müəllimlərdən əlavə məlumat və qeydiyyat üçün Seyid Bəsirət ağaya müraciət etmələri rica olunur. 00 98 910 964 8475
Mövzular: Bir müəllim hazırlaşmaq və kursda tədris etmək üçün 3 mövzudan artıq seçim edə bilməz. (Hər 1.5 saat, bir dərs hesablanır) 20 mövzu / 51 dərs / 76.5 saat
- Aşura - İslamdan qabaqkı dinlərdə və xalqlarda, eləcə də müsəlmanlar üçün Kərbəlaya qədər - 3 saat
- Aşura və Kərbəla hadisəsinin ilkin elmi və tarixi mənbələri - 3 saat
- Aşura - klassik və müasir ədəbiyyatımızda. (Nümunələr və təhlillər) - 4.5 saat
- Aşura - kitab və mənbələrdə. (Kərbəla, Aşura və İmam Hüseyn (ə) həyatına aid azərbaycanca yazılmış və ya tərcümə edilmiş əsərlər) - 3 saat
- İmam Hüseyn (ə) həzrətlərinin hərəkatı ilə bağlı məktubları və xütbələrinin tərcümə və təhlili - 7.5 saat
- İmam Hüseyn (ə) həzrətlərinin Mədinədən Kərbəlaya qədər səfər gündəliyi - 15 saat
- İmam Hüseyn (ə) həzrətlərinin inqilabı dahilərin dilində - 3 saat
- İmam Hüseyn (ə) həzrətlərinin qiyamı məsumların dilində - 3 saat
- İslam və müsəlmanlar - Aşuradan sonra (Tarixin təhlili) - 3 saat
- Aşuradan ilham almış qiyamlar - 3 saat
- Aşura - müasir günümüzdə. Xurafatlar və həqiqətlər. 4.5 saat
- Aşura günü Bəni Haşimdən olan şəhidlər - 3 saat
- Kərbəla şəhidləri və İmam Hüseyn (ə) həzrətlərinin səhabəsi - 3 saat
- İmam Hüseyn (ə) qiyamının hədəfləri və nəticələri - 3 saat
- Aşuranın baş vermə səbəbləri. Tarixin təhlili - 3 saat
- Yezidin idarəetmə sistemi - 3 saat
- Aşuradan Ərbəinə qədər. Tarixin təhlili - 3 saat
- Xanım Zeynəb (əs), Aşura və Aşuradan sonra - 3 saat
- Aşura gününün əməlləri və əhəmiyyəti - 1.5 saat
- Kərbəlanın fəziləti və məqamı - 1.5 saat
* Elanla tanış olan maarifsevərlər, qeydiyyata düşmək istəsələr ad, soyad və atalarının adı və doğum ilini + Aşura (Nümunə: Həsən Kərəmzadə Əhməd oğlu, 2002 - Aşura) teleqramla mərkəzin təhsil bölməsinə göndərsinlər.
Tələbələrin qeydiyyatı üçün əlaqə nömrəsi: 00989902370737 
Hörmətlə: «Əl-Məhdi (əc)» İslam Maarif Mərkəzinin müdiriyyəti
Müqəddəs Qum şəhəri - 07.06.2020
