İnsanlara doğru yolu göstərən, bu yolu açıq dəlilləri ilə aydınlaşdıran və (haqqı batildən) ayıran (Qur’an) Ramazan ayında nazil edilmişdir. Aya (Ramazan ayına) yetişən şəxslər (bu ayı) oruc tutmalıdırlar; xəstə və ya səfərdə olanlar isə tutmadığı günlərin sayı qədər başqa günlərdə tutsunlar. Allah sizin üçün ağırlıq deyil, yüngüllük istər ki, fövtə gedən günlərin orucunu tamamlayasınız və sizi düz yola yönəltməsinə görə Onu uca tutasınız. Bəlkə şükür edəsiniz. (Qurani Kərim: Bəqərə surəsi - 185)
Allahın adı ilə.
قال رسول اللّه (صلی الله علیه و آله و سلم): فضل القرآن علی سائر الکلام کفضل اللّه علی خلقه. (بحار الانوار)
Allahın rəsulu Həzrət Muhəmməd (s) buyurmuşdur: Quranın digər kəlamlardan üstünlüyü, Allahın məxluqatından olan üstünlüyü qədərdir. (Bihar əl-Ənvar)
Qurani Kərimin baharı sayılan Mübarək Ramazan ayının gəlişi münasibətilə bütün möminləri təbrik edir və elmsevərlərin diqqətinə çatdırırıq ki, «Əl-Məhdi (əc)» İslam Maafir Mərkəz və Mədrəsəsinin xadimləri ənənəyə sadiq bu il də Ramazan ayı üçün xüsusi proqramlar hazırlamışlar.
O proqramlardan biri də Silsilə QURANİ KƏRİM BƏHSLƏRİdir ki, dəyərli Quran xadimi ustadımız Cənab Höccətül-İslam Seyid Azər Əhmədoğlunun təqdimatında online icra olunacaq.
Həftədə bir dəfə AÇIQ LEKSİYA formatında keçirilicək elmi görüşlərdə «Müasir dünya və müasir məsələlər Qurani Kərim güzgüsündə» adlı çıxışlarında, ustad elmi baxışlarını iştirakçılarla bölüşəcəkdir.
29 aprel, 6, 13 - 20 may 2020 - 21:00 (Bakı vaxtı ilə)
Mübarək Ramazan ayında - Çərşənbələr
Qeyd: Leksiyalarda hər kəsin iştirakı azaddır. İştirak etmək istəyənlər əlavə məlumat üçün aşağıdakı nömrəyə Teleqram və ya WhatsApp vasitəsilə müraciət edə bilərlər. Diqqətinizə çatdırırıq ki, leksiyaların yayım linki başlamazdan 15 dəqiqə öncə "Dar-ul-Quran" kanalında paylaşılacaq.
* Əziz iştirakçılar, lütfən leksiya və təəssüratlarınız barədə bizə yazın və fikirlərinizi bizimlə bölüşün. Leksiyaların səs yazısını çalışacağıq yuxarıda göstərilən Dar-ul-Quran kanalında paylaşaq. ÜZV OLMAĞI UNUTMAYIN!
Allah tutduğunuz bütün orucları, qıldığınız bütün namazları qəbul və oxuduğunuz hər bir ayəyə görə sizi Qurani Kərimlə məhşur eləsin!
Hörmətlə:
«Əl-Məhdi (əc)» İslam Maarif Mərkəzinin müdiriyyəti
Müqəddəs Qum şəhəri - 17 aprel 2020
